Kazi hii ni muhimu sana kwa historia ya usanii hapa kwetu Zanzibar, lakini pia ni urathi mkubwa kwa Waswahili wote popote pale walipo, iwe ni Zanzibar, Tanzania, mwambao wa Afrika Mashariki na kwengineko. Ni kuendeleza utamaduni wa kutunza watu ambao wameifanyia mema Zanzibar. Lakini kitabu hiki kilichoandikwa na Ally Saleh kikijikita zaidi katika usanii ambao Haji Gora ambaye amepata ubobezi mkubwa na kazi hii inatambua mafanikio yake. Bila ya kupata fursa ya kuingia hata banda moja la darasa, Haji Gora atawacha kazi kadhaa wa kadhaa kwa ajili yetu na vizazi vijavyo. Na atatuwachia mafunzo kadhaa yaliojaa katika tungo zake za ngoma za kienyeji, taarab na hata tenzi zake kadhaa wa kadhaa.